Qo‘shtepa tumanidagi Madaniyat markazida o‘tkazilgan tadbirda mahalla yoshlari o‘rtasida “Shijoat va g‘ayrat” harbiy-sport musobaqasining tuman bosqichi g‘oliblari taqdirlandi. Yakuniy natijalarga ko‘ra, “Xo‘jaqishloq” mahalla fuqarolar yig‘inining yoshlar jamoasi 2-o‘rinni, “Langar” mahalla fuqarolar yig‘inining yoshlar jamoasi 3-o‘rinni egallab, musobaqa sovrindorlari bo‘lishdi. “Istiqbol” mahalla fuqarolar yig‘inining yoshlar jamoasi 1-o‘rinni egallab eng kuchli va shijoatli jamoa sifatida e’tirof etilib, viloyat bosqichiga yo‘llanmani qo‘lga kiritdi. Tuman hokimi A.Abdullayev, tuman prokurori A.Xudoyberganov, tuman IIB boshlig‘i I.Xamroqulovlar ishtirokida o‘tkazilgan taqdirlash marosimida musobaqa g‘oliblari tegishli darajadagi diplom va esdalik sovg‘alari bilan rag‘batlantirildi.